افغان مہاجراں دی واپسی نہایت ضروری اتے خطے وچ پائیدار امن تے ترقی سانگے پاکستان دیاں کوششاں داجزو لاینفک ہے، بین الاقوامی برادری ایںمقصد دے حصول سانگے رل مل تے کم کرے صدر مملکت ممنون حسین دی اقوام متحدہ دے ہائی کمشنر برائے پناہ گزین فلیپو گرانڈی نال ملاقات وچ گالھ مہاڑ

اسلام آباد ۔ 22 جون (اے پی پی) صدر مملکت ممنون حسین ایںامر تے زور ڈتا ہے جو افغان مہاجرین دی واپسی نہایت ضروری اتے خطے وچ پائیدار امن تے ترقی سانگے پاکستان دیاں کوششاں دا جزو لاینفک ہے، بین الاقوامی برادری ایں مقصد دے حصول سانگے رل مل تے کم کرے۔ انہاں ایہ گالھ اقوام متحدہ دے ہائی کمشنر برائے پناہ گزین فلیپو گرانڈی نال گالھ مہاڑ کریندے ہوئیںآکھی جنہاں بدھ کوں ایوان صدر وچ انہاں نال ملاقات کیتی۔ وفاقی وزیر سیفران لیفٹیننٹ جنرل (ر) عبدالقادر بلوچ وی ایں موقع تے موجود ہن۔ صدر ممنون حسین پاکستان وچ یو این ایچ سی آر دا خیرمقدم کریندے ہوئیںآکھیا جو پاکستان انہاں دے نال ملک دے سارے افغان مہاجرین دی وختی واپسی دے انہاں دے ترجیحی مقصد دے بارے وچ ٹھوس نتائج دے حصول سانگے رل مل تے کم کرنڑدا خواہشمند ہے۔ انہاں آکھیا جو بین الاقوامی برادری تے مہاجرین دے کاز دے حوالے نال بھاری ذمے داری عائد تھیندی ہے۔ انہاں آکھیا جو پاکستان ترائے دہائیاں توں ودھ عرصے توں اپنڑی سرزمین تے لکھاں افغان مہاجرین دی میزبانی کریندے ہوئیں ایں حوالے نال نمایاں کردار ادا کیتا ہے۔ صدر ممنون حسین آکھیا جو مہاجرین دی مغرب آلے پاسے وڈے پیمانے تے ہجرت دے نتیجے وچ ہنڑ مہاجرین دے مسئلے دے نوعیت بارے احساس پاتا ویندے ۔انہاں ایں امر تے زور ڈتا جو افغان مہاجراں دی میزبانی سیاسی اتے سماجی تے اقتصادی اتے ماحولیاتی نتیجے پاروں منسلک پاکستان دیاں قربانیاں کوں ہنڑ مغربی دنیا کوں چنگے طور تے سراہنڑاں چاہیدے ۔صدر ایں گالھ تے زور ڈتا جو پاکستان خطے اچ امن تے استحکام سانگے افغان مہاجراں دی وطن واپسی دے حوالے نال جائزہ توقعات رکھیندے ۔ اقوام متحدہ ہائی کمیشن مہاجراں فلیپو گرانڈی وڈی تعداد اچ افغان مہاجراں دی میزبانی کرنڑ تے پاکستان دے تعاون دا شکریہ ادا کریندے ہوئیں آکھیا جو ادارہ افغان مہاجراں دی اپنڑے وطن واپس سانگے سازگار ماحول پیدا کریندے ہوئیں انہاں دے پرانڑے مسئلے دے حل سانگے کوشش کریسی ۔ صدر فلیپو گرانڈی کوں اقوام متحدہ دے ہائی کمشنر مہاجراں دی حیثیت نال تقرری دی مبارخ باد ڈتی ۔