اسلام آباد ۔ 22 جون(اے پی پی)مشیر خارجہ سرتاج عزیز آکھیا جو سماجی،اقتصادی اتے ماحولیاتی مسئلیاں دی وجہ توں افغان مہاجرین دی پاکستان اچ موجودگی ہنڑ قابل عمل کائنی ،پاکستان گزریل ترائے ڈھاکیاں توں میزبانی کر تے مثالی خیر سگالی اتے فیاضی دا مظاہرہ کیتا،پاکستان اتے افغانستان وچال مزید موثر بارڈر منیجمنٹ سکیورٹی دے نقطہ نظر دی لوڑھ اے۔ا ے گالھ انہاں بدھ کوں اقوام متحدہ دے پناہ گزیناں سانگے ہائی کمشنر فلپو گرانڈی نال ملاقات اچ گالھ مہاڑ کریندیں ہوئیں آکھی جنہاں اسلام آباد اچ انہاں نال ملاقات کیتی۔مشیر خارجہ آکھیا جو افغان مہاجرین دی پاکستان اچ موجودگی ہنڑ قابل عمل کائنی،انہاں دی وطن واپسی انہاں دی ترجیح اے۔ملاقات اچ افغان مہاجرین دی سست رفتار واپسی،وسائل اتے موثر منصوبے دی گھٹکی،عالمی برادری دی عدم دلچسپی ،مہاجرین دی واپسی سانگے ٹائم فریم اتے بئے معاملیاں تے غور کیتا گئیا۔ہائی کمشنر 37ورھیں توں افغان پناہ گزیناں دی میزبانی بارے پاکستان دی تریخی خدمات اتے مہمان نوازی دی تعریف کیتی۔
