اسلام آباد ۔ 20 جون (اے پی پی) چین پاکستان اقتصادی راہداری دے تحت موٹر وے دا ہکلہ ۔ ڈیرہ اسماعیل خان سیکشن جولائی 2018ءوچ مکمل تھیسی۔ وزارت منصوبہ بندی تے ترقی دے ذرائع مطابق 285 کلو میٹر لمبے ایں منصوبے سانگے سرکاری شعبہ دے سالانہ ترقیاتی پروگرام وچ 22 ارب روپے مختص کیتے گئے ہن۔ ایہ منصوبہ ہکلہ توں ڈیرہ اسماعیل خان تئیںپورا کیتا ویندا پئے اتے وزیراعظم محمد نواز شریف ایں منصوبے دا سنگ بنیاد رکھیا ہا۔ ایں منصوبے دے پورا تھیونڑ نال پنجاب اتے خیبر پختونخوا دے علاقیاں وچ روزگار دے مواقع ودھسن۔
