اقوام متحدہ ۔ 12 جون(اے پی پی) پاکستان اقوام متحدہ دے امن آپریشن آلے علاقیاں اچ تنازعات دے سیاسی حل دی لوڑ تے زور ڈتے ۔ اے گالھ اقوام متحدہ اچ پاکستان دی مستقل مندوب ڈاکٹر ملیحہ لودھی سلامتی کونسل اچ امن آپریشن دے دوران شہریاں دے تحفظ دے موضوع تے ہک مذاکرے نال الیندے ہوئیں آکھی۔ ڈاکٹر ملیحہ لودھی آکھے جو امن اتے استحکام دے قیام سانگے اقوام متحدہ دے امن آپریشنز آلے علاقیاں اچ تنازعات دے سیاسی حل تے ودھ ساری توجہ ڈیونڑ دی لوڑ ہے ۔ انہاں آکھیا جو کئی وی آپریشن شروع کرنڑ توں پہلے مسلیاں دے سیاسی حل کوں سامنڑیں رکھیا ونجے کیونجو صرف ایندے نال ہی پائیدار اتے مستقل امن تے سلامتی کوں یقینی بنڑایا ونج سگدے ۔ انہاں آکھیا جوتوڑے ایں صورتحال اچ شہریاں دی حفاظت دی بنیادی ذمہ داری میزبان ملک تے عائد ہوندی ہے جڈانجو تنازعات کوں سامنڑیں گھن آونڑ توں پہلے ایندے حل ، مسئلے دیاں وجوہات تے غور اتے ایندے حل کیتے جامع سیاسی ذرائع دا استعمال او عوامل ہن جو جنہاں نال شہریاں دی حفاظت کوں چنگے انداز اچ یقینی بنڑایا ونج سگدے ۔ انہاں امن قائم کرنڑ دے آپریشن اچ تریمتیں دی شمولیت تے زور ڈتا اتے آکھیا جو ایندے چنگے نتیجے سامنڑیں آمسن۔ انہاں عالمی ادارے دے امن مشن اچ پاکستان دے کردار کوں اجاگر کریندے ہوئیں آکھیا جو پاکستان دیاں افواج عوامی جمہوریہ کانگو، دارفور ، آئیوری کوسٹ ، وسطی افریقی جمہوریہ اتے لائبیریا اچ قیام امن سانگے آپنڑاں بھر پور کردار ادا کیتے ۔
