اسلام آباد ۔ 10 جون (اے پی پی) وفاقی وزیرداخلہ تے انسداد منشیات چوہدری نثار علی خان گزریل چھی مہینیاں وچال 3.985ارب روپے مالیت دی منشیات پکڑنڑ تے انسداد منشیات کورس دی کارکردگی کوں سراہندیں ہوئیں اکھیا جو انسداد منشیات دے سرکردہ ادارے دی حیثیت نال اے این ایف دا علاقائی اتے بین الاقوامی سطح تے اعتراف قابل اطمینان امر اے۔ انسداد منشیات فورس دی کارکردگی قابل تعریف اے۔اے گالھ انہاں اے این ایف دے ڈائریکٹر جنرل میجر جنرل ناصر دلاور شاہ نال ملاقات اچ گالھ مہاڑ کریندیں ہوئیں آکھی جنہاں جمعہ کوں اتھاں انہاں نال ملاقات کیتی اتے وزیر داخلہ کوں ادارے دی گزریل چھی مہینیاں دی کارکردگی بارے رپورٹ پیش کیتی گئی۔اے این ایف دی جون2016ء تئیں کاروائیاں دے نتیجے اچ اے این ایف تقریباً50ٹن منشیات قبضے اچ اچ گھدی جئیں اچ 2.23 ٹن ہیروئن، 33.24 ٹن حشیش، 7.7 ٹن افیون، 1.44 ٹن مارفین، 1.62 کلو گرام قوقین، 931.8 کلو گرام ایمفیٹا مائن، 6.08 کلو گرام میتھام فیٹا مائن، 790 ایکسٹیسی ٹیبلٹس اور 28550 زینکس ٹیبلٹس شامل ہن۔ایں عرصے اچ منشیات دی تیاری اچ استعمال تھیونڑ آلا3.55ٹن کیمائی مواد وی پکڑیا گئیا۔ایں عرصے اچ 426کیسز دا اندراج تھیا اتے 506مجرماں کوں پکڑیا گئیا۔
