لارڈز ۔08 جون(اے پی پی) انگلینڈ اتے سری لنکا دیاں کرکٹ ٹیماں وچال ترائے ٹیسٹ میچاں تے مشتمل سیریز داتریجھا اتے چھیکڑی میچ (اج) خمیس کوں لارڈز، لندن وچ شروع تھیسی۔ انگلش ٹیم کوں سیریز وچ2-0 دی فیصلہ کن برتری حاصل ہے۔ تفصیلات دے مطابق ڈوہیں ٹیماں وچال کھیڈے گئے سیریز دے ابتدائی ڈو ٹیسٹ میچاں وچ میزبان ٹیم مکمل طور تے چھائی رہی، انگلش ٹیم آئی لینڈرز کوں پہلے ٹیسٹ وچ اننگز اتے 88 سکوراں اتے ڈوجھے ٹیسٹ وچ آسانی نال 9 وکٹاں نال شکست ڈتی ہائی۔ واضح رہوے جو ٹیسٹ سیریز دے بعد ڈوہیں ٹیماں وچال پنج ون ڈے اتے ہک ٹی ٹونٹی میچ وی کھیڈیا ویسی، ڈوہیں ٹیماں وچال ون ڈے سیریز داپہلا میچ 21 جون، ڈوجھا میچ 24 جون، تریجھا میچ 26 جون، چوتھا میچ 29 جون جڈانجو پنجواں اتے چھیکڑی میچ 2 جولائی کوں کھیڈیا ویسی۔ ڈوہیںٹیماں وچال ہکو ٹی 20 انٹرنیشنل 5 جولائی کوں کھیڈیا ویسی۔ سری لنکن ٹیم ایںدوران 16 اتے 18 جون کوں آئرلینڈ دے خلاف ڈو ون ڈے میچاں دی سیریز وی کھیڈسی۔
