پیرس ۔ 13 جون(اے پی پی) انگلینڈ ٹیم یورو فٹ بال چیمپئن شپ اچ اپنڑاں ڈوجھا میچ 16 جون کوں ویلز دے خلاف کھیڈسی ۔ انگلینڈ دی ٹیم ویان رونی دی قیادت اچ جت دا عزم گھدے یورو فٹ بال چیمپئن شپ اچ شرکت سانگے فرانس اچ موجود ہے ۔ یورو چیمپئن شپ 10 جون توں 10 جولائی تئیں فرانس اچ کھیڈی ویسی جیں اچ فٹ بال دی دنیا دیاں ٹاپ 24ٹیماں ٹائٹل دے حصول سانگے ایکشن اچ نظر امسن ، سپین دی ٹیم ٹائٹل دا دفاع کریسی۔ انگلش ٹیم کوں میگا ایونٹ اچ گروپ بی اچ روس ویلز اتے سلواکیہ دے نال رکھیا گیا ہے ۔ انگلش ٹیم ایونٹ اچ ڈوجھا گروپ میچ 16 جون کوں ویلز جڈاں جو تریجھا میچ چھیکڑی گروپ میچ 20 جون کو ںسلواکیہ دے خلاف کھیڈسی۔
