ممبئی ۔ 24 جون(اے پی پی)بالی وڈدی معروف اداکار ہ مادھوری ڈکشٹ آکھیا اے جو بالی وڈ وچ خود کوں منوانڑ سانگے جیرھے مقاصد طے کیتے ہن اوہ کامیابی نال حاصل کرگھدے ہن۔بھارتی ٹی وی ڈانس ریئلٹی شو وچ مادھوری گالھ مہاڑ کریندے ہوئین آکھیا جو شروع وچ انہاں کوں لگدا ہا جو اوہ اتنی سوہنڑی کائنی ہن جتنا جوانہاں کوں ایں شعبے سانگے ہونڑ چاہیدا ہا۔انھاں آکھیا جو فنی زندگی دے شروع دے ڈینھ وڈی جدوجہد آلے ڈینھ ہن کیونجو اوہ خود کوں منوانڑ چاہندیاں ہن ۔مادھوری ڈکشٹ آکھیا جو تنقید انہاں دے عزم کوںبیا زیادہ پکاکیتا کیونجو انہاںتنقید کوں چیلنج سمجیا اتے اپنڑی فنی زندگی دے جیرھے مقصد انہاں ایں ویلھے طے کرگھدے ہن انہاں کوں آخر پاگھدا اتے اوہ کامیاب رہیاں۔
