لندن ۔ 24 جون(اے پی پی) برطانوی عوام ولوں یورپی یونین توں اخراج دے حق وچ فیصلہ سامنڑے آونڑ دے بعد برطانیہ دے وزیراعظم ڈیوڈ کیمرون مستعفی ہونڑ دا اعلان کر ڈتا ہے۔ برطانوی نشریاتی ادارے دے مطابق جمعہ کوں لندن وچ 10 ڈاوننگ سٹریٹ وچ ہک پریس کانفرنس وچ ڈیوڈ کیمرون آکھیا جوا وہ اکتوبر وچ اپنڑے عہدے توں مستعفی تھی ویسن ۔انھاں آکھیا جو اکتوبر وچ کنزرویٹو پارٹی کانفرنس دے آغاز دے موقع تے ملک وچ ہک نواں وزیراعظم ہونڑ چاہیدے۔ ڈیوڈ کیمرون آکھیا جو اوہ آونڑ آلے ہفتاں وچ ملک کوں سانبھنڑسانگے کم کریسن تاں جو انہاںدے خیال وچ یورپی یونین دے نال مذاکرات دا عمل ہک نویں کپتان دی سربراہی وچ شروع تھیونڑ چاہیدے۔انہاں دا آکھنڑ ہا جو ملک کوں ہنڑ ہک نویں وزیراعظم دی ضرورت ہے جیرھا یورپی یونین توںاخراج دے عمل دا آغاز کریسی اتے ایکوں پایہ تکمیل تائیں پجاوے۔ڈیوڈ کیمرون آکھیا جواگرچہ یورپی یونین توں علیحدگی اوہ رستہ نہہیں جیندے تے ا وہ چلنڑں دا مشورہ ڈیندےے تاں جو اوہ پہلے وی آکھ چکے ہن جو برطانیہ یورپی یونین دے بغیر رہ سگدے۔انھان وعدہ کیتا جو ا وہ برطانیہ کوں ایندارستہ لبھنڑ دے عمل وچ جو ممکن تھی سگیا اوہ کریسن۔کیمرون دا آکھنڑ ہا جو ایہ انہاں سانگے مناسب کائنی جوا وہ انہاںحالات وچ ملک دی قیادت کرین جڈانجوعوام ایںموقف دی حمایت کیتی ہے جیندے اوہ مخالف ہن۔انھاں آکھیا جو برطانیہ دی عوام دی خواہشات دا احترام کرنڑ چاہیدے اتے ملک کوں ہک مضبوط اتے پرعزم قیادت دی ضرورت ہے جیرھی یورپ وچ برطانیہ دے آونڑ آلے کردار تے گالھ کرے ۔ڈیوڈ کیمرون دا آکھنڑ ہا جو اساکوں ہنڑ یورپی یونین نال گالھ مہاڑ سانگے تیار تھیونڑاں پوسی جیندے کیتے سکاٹ لینڈ، ویلز اتے شمالی آئر لینڈ دیاں حکومتان کوں پورا ساتھ ڈیونڑ پوسی تان جو این گالھ کوں یقینی بنرایا ونج جا سگے جو برطانیہ دے سارے حصیان دے مفادات دا تحفظ ہوئے۔واضح رہوے جو برطانیہ وچ خمیس کوں تھیونڑ آلے تاریخی ریفرنڈم دے نتائج دے مطابق 52 فیصد عوام یورپی یونین توں علیحدگی دے حق وچ جڈانجو 48 فیصد یونین داحصہ رہونڑ دے حق وچ ووٹ ڈتا ہے۔
