ریاض ۔ 13 جون(اے پی پی) سعودی وزارت داخلہ دے حکام خبردار کیتا ہے جو بغیر اجازت عطیات جمع کرنڑ اچ ملوث بندے یا اداریں دے خلاف قنونی کاروائی کیتی ویسی۔ سعودی میڈیا رپورٹس دے مطابق وزارت داخلہ دے ترجمان اپنڑے ہک بیان اچ آکھیا ہے جو متعلقہ اداریں توں اجازت مانہ گھدے بغیر چندہ جمع کرنڑسلطنت دے قنون دی خلاف ورزی ہے اتے ایندے جرم اچ ملوث لوکاںکوں جرمانے تے قید دی سزا دا سامنڑاں کر نڑاں پئے سگدا ہے ۔وزارت داخلہ شہریاںکوں آکھیا ہے جو او چندہ جمع کرنڑ دی کوئی وی مہم توں پرے رہن اتے اپنڑے عطیات براہ راست کنگ سلمان سنٹر فار ریلیف اینڈ ہیومینٹیرئین ایڈ اتے شام دے شہریاں دی مدد سانگے عطیات سعودی نیشنل کمپین یا بئے مجاز اداریں کوں ڈیون
