بلوچستان ، خیبر پختونخوا ، فاٹا، پنجاب، سندھ، وفاقی دارالحکومت سمیت کشمیر تے گلگت بلتستان دے مختلف علاقیں اچ کھمنڑ نال مینھ وسنڑ دا امکان

اسلام آباد ۔ 28 جون (اے پی پی) محکمہ موسمیات اجوکے ہفتے ملک دے مختلف علاقیاں اچ ساونڑ دے مینھ وسنڑ دی پیش گوئی کیتی ہے بلوچستان ، خیبر پختونخواہ، فاٹا، پنجاب، سندھ، وفاقی دارالحکومت سمیت کشمیرتے گلگت بلتستان دے مختلف علاقیں اچ کھمنڑ نال مینھ وسنڑ دا امکان ہے ۔منگل کوں جاری تھیونڑ آلی رپورٹ دے مطابق اجوکے ہفتے کوئٹہ، ژوب، قلات، سبی، نصیرآباد، مکران ڈویژن، مالاکنڈ، ہزارہ، پشاور، مردان، کوہاٹ، بنوں، ڈی آئی خان ڈویژن، فاٹا، راولپنڈی، گوجرانوالہ، لاہور، سرگودھا، فیصل آباد، ساہیوال، بہاولپور، ملتان، ڈی جی خان ڈویژن، اسلام آباد اتے کشمیراچ کتھائیں کتھائیں جڈاں جوسکھر، لاڑکانہ، میرپورخاص، شہید بینظیرآباد، حیدرآباد ڈویژن تے گلگت بلتستان اچ کجھ جہیں تے تکھی ہوا دے نال اندھاری اتے کھمنڑ نال ودھ سارا مینھ وسنڑ دی پیش گوئی کیتی ہے ۔ محکمہ موسمیات دی رپورٹ دے مطابق گزریل 24 گھنٹے دے دوران سبی اچ 63 ملی میٹر، کوئٹہ 08، خضدار، قلات 04، فیصل آباد49، جوہر آباد30، خانپور28، اوکاڑہ25، مری20، لاہور 14، ساہیوال، سرگودھا، میانوالی13، نورپورتھل08، چکوال07، بہاولنگر، بھکر06، گجرات05، گوجرانوالہ03، سیالکوٹ01، روہڑی26، لاڑکانہ10، مالم جبہ25، کاکول، کوہاٹ19، بالاکوٹ، سیدوشریف16، چراٹ10، پاراچنار09، دیر02، مظفرآباد06، گڑھی دوپٹہ02 تے راولاکوٹ اچ ہک ملی میٹر مینھ ریکارڈ کیتا گیا۔