جان کیری اتے انیجلینا جولی دی مسلم کمیونٹی دے افطار پروگرام وچ شرکت

واشنگٹن۔ 22 جون(اے پی پی) امریکی وزیر خارجہ جان کیری اتے اقوام متحدہ دی امورِ مہاجرین دی نمائندہ خصوصی امریکی اداکارہ انیجلینا جولی مسلم کمیونٹی دے افطار پروگرام وچ شرکت کیتی۔امریکا دے ذرائع ابلاغ مطابق جان کیری تقریب نال خطاب دا آغاز ‘اسلام علیکم’ دے نال شروع کیتا اتے ماہِ مقدس دا ذکر کریندے ہوئیں ” رمضانِ کریم“ دے الفاظ استعمال کیتے۔کیری امریکا وچ قبول کیتے ونجنڑ آلے مہاجرین دے ملکی تحفظ دے خطرہ ہونڑ توںمتعلق آراءدے خلاف سخت ردعمل دا اظہار کریندے ہوئیں آکھیا جو ہک مخصوص نگرانی دے بعد انہاں کوں امریکا وچ قبول کیتا گئے۔انہاں آکھیا جو مسلماناں دے خلاف نفرت تے مبنی بیانات دہشتگرداں دے مفاد وچ تھی سگدے ۔انہاں آکھیا جو مسلماناں دے خلاف نفرت تے مبنی بیانات جاری کر تے دہشتگرد گروپاں دی خدمت کیتی ویندی پئی ہے اتے ا یہ تاثر ڈیونڑ دی کوشش کیتی ویندی پئی ہے جو امریکا اتے اسلام وچال جنگ دے حالات موجود ہن۔کیری آکھیا جوا یہ عمل درست کائنی بلکہ امریکا دے علاوہ کوئی ملک ایجھا نہیں جتھاں مسلمان سکون تے آرام نال زندگی گزار دے پئے ہوون۔ ایں موقع تے اینجلینا جولی آکھیا جوسبھ انسان برابر پیدا تھئے ہن اتے ہر ہک برابر دے حقوق دا مالک ہے۔ جمہوری ملکاں کوںایہ گالھ زیب نی ڈیندی جوا وہ کجھ انساناں کوں بہوں زیادہ اہمیت ڈیونڑ۔