اسلام آباد ۔ 30 جون (اے پی پی) سال 2050تئیں پوری دنیا دی ضرورت توں 75فیصد ودھ خوراک پیدا کیتی ویندی پئی ہے جیں دی بنیادی وجہ جدید ترین ٹیکنالوجی دا استعمال ہے ۔ جامعہ زرعیہ فیصل آباد دے وائس چانسلر تے معروف زرعی سائنسدان پروفیسر ڈاکٹر اقرار احمد خان ہک بیان اچ آکھیا ہے جو سال 2050تئیں پاکستان دی آبادی ڈبل تھی ویسی جیں دی غذائی ضروریات وی ایں تناسب نال ودھ ویسی ۔انہاں آکھیا جو زرعی پیداوار دے ودھارے سانگے جدید ٹیکنالوجی توں فائدہ وقت دی اہم ضرورت ہے ۔انہاں آکھیا جو 2050تئیں پوری دنیا اچوں ضرورت توں 75فیصد توں ودھ خوراک پیدا کیتی ویندی پئی ہے جیں دا سبب جدید ٹیکنالوجی توں فائدہ تھیسی ۔
