حکومتی پیکج نال زرعی شعبے اچ خود کفالت، فی ایکڑ پیداوار اچ ودھا را تھیسی،وزارتِ نیشنل فوڈ سیکیورٹی

اسلام آباد ۔ 30 جون (اے پی پی) حکومت زرعی شعبے دی ترقی تے کاشتکاراں دی خوشحالی سانگے وڈے پیکیج دا اعلان کر ڈتا ہے جیں نال زرعی شعبے اچ خود کفالت دے نال نال فی ایکڑ دی پیداوار اچ ودھارا تھیسی ۔وزارت نیشنل فوڈ سیکورٹی دے ذرائع دے مطابق یوریا ڈی اے پی دیاں قیمتاں اچ گھٹکی ،زرعی ٹیوب ویل دے بلاں سانگے بجلی دے نرخان اچ گھٹکی تے بلا سود قرضے دی فراہمی نال کاشتکار چنگاں فائدہ چا سگدے ہن ۔کسان کوں عالمی کساد بازاری توں پجنڑ آلے ضیان دے ازالے سانگے ترجیحی بنیاداں تے سہولتاں ڈتیاں ویندیا ں پن ۔اجوکے مالی سال دے بجٹ اچ عوام دی تقدیر بد ل ویسی ۔نویں مالی سال دا بجٹ پائیدار ترقی ،مضبوط معیشت اتے سارے علاقیں دی متوازن ترقی دا آئینہ دار ہے ۔