حکومت اٹھارہ گھنٹے دی لوڈشیڈنگ کوں گھٹ کر تے6 گھنٹے تے گھن آئی ہے، ماضی دیاں حکومتاں دا لوڈشیڈنگ دا عذاب آندے سالاں وچ مک ویسی، وزیر اعلیٰ بلوچستان ،وزیراعلیٰ پنجاب آلی کار سستے بازار لیسن وزیر مملکت پانڑیں تے بجلی عابد شیر علی دی پارلیمنٹ ہاﺅس دے باہر میڈیا نال گالھ مہاڑ

اسلام آباد ۔ 7 جون(اے پی پی) وزیر مملکت پانڑیں تے بجلی عابد شیر علی آکھیاجو حکومت اٹھارہ گھنٹے دی لوڈشیڈنگ کوں گھٹ کر تے 6 گھنٹے تے گھن آئی ہے ، ماضی دیاں حکومتاں دا لوڈشیڈنگ دا عذاب آندے سالاں وچ مک ویسی ۔ وزیر اعلیٰ بلوچستان ،وزیراعلیٰ پنجاب شہباز شریف آلی کار سستے بازار لاونڑ تاں جو عوام کوں ودھ توں ودھ ریلیف مل سگے ۔منگل کو ںپارلیمنٹ ہاﺅس دے باہر میڈیا نال گالھ مہاڑ کریندے ہوئیں انہاں آکھیا جو پاکستان مسلم لیگ ن دی حکومت توانائی دے بحران دے حل سانگے ہنگامی بنیاداں تے کم کریندی ہئی ہے ،پورے ملک وچ توانائی دے مختلف منصوبیاں تے تکھے کم جاری ہے موجودہ حکومت لوڈشیڈنگ کو ںاٹھارہ گھنٹیں توں گھٹ کر تے چھی گھنٹیں تے گھن آئی ہے رمضان المبارک دے مقدس مہینے وچ وزیراعظم دی ہدیت تے افطار ی تے سحری دے اوقات وچ لوڈشیڈنگ 85 فیصد علاقیاں وچ نی کیتی ویندی پئی۔ وزیرمملکت آکھیا جو ماضی دیاں حکومتاں دا لوڈشیڈنگ داعذاب آندے کجھ سالاں وچ مک ویسی ہک سوال دے جواب وچ انہاں آکھیا جو وزیراعلیٰ بلوچستان کو ں شہباز شریف آلی کار سستے رمضان بازار لاونڑ چاہیدن تاں جو غریب لوک انہاں سستے بازاراں توں فائدے چا سگن ۔