اسلام آباد ۔ 29 جون (اے پی پی) پاکستان مسلم لیگ (ن) دی حکومت اقتدار اچ آونڑ دے بعد ملک دے توانائی دے بحران دے خاتمے سانگے ودھ سارے اقدامات کیتے ہن جیں ا چ2013دے دوران بجلی لوڈشیڈنگ دے 18توں 20گھنٹے دے دورانیے کوں 6توں 8گھنٹے تئیں کر ڈتا گیا ہے ۔وزارت منصوبہ بندی تے ترقی تے اصلاحات دے حکام دا آکھنڑ ہے جو پائیدار اقتصادی ترقی دے اہداف کوں یقینی بنڑاونڑ سانگے کولے ،پانڑیں تے متبادل توانائی دے بئے ذرائع استعمال کیتے ویندے پن جیں دی عکاسی وژن 2025اچ وی تھیندی ہے ۔توانائی بحران دے خاتمے سانگے خصوصی حکومتی کوششاں دے تحت وفاقی حکومت دے ترقیاتی پروگرام ( پی ایس ڈی پی )اچ توانائی دے شعبے سانگے قابل ذکر فنڈ رکھیے ہن ۔
