اسلام آباد ۔ 28 جون (اے پی پی) قائم مقام صدر مملکت میاں رضا ربانی آکھیا جو حکومت دی کوششاں نال پولیو دے مرض اچ خاطر خواہ گھٹکی آئی اے،پاکستان بہوں جلدی پولیو توں جان چھڑوا گھنسی۔اے گالھ انہاں وٹری انٹرنیشنل دے نمائندیاں نال گالھ مہاڑ کریندیں ہوئیں آکھی جنہاں منگل کوں ایوان صدر اچ انہاں نال ملاقات کیتی۔قائم مقام صدر آکھیا جو کامیابی نال ضرب عضب آپریشن پاروں چھی لکھ توں ودھ بالاں کوں پولیو دے قطرے پلاونڑ ممکن تھیے۔انہاں آکھیا جو اے چنگی گالھ اے جو پولیو دی روک تھام سانگے فاٹا اچ وی کامیابی ملی اے۔ایں موقع تے انٹرنیشنل روٹری دے چیئرمینا مائیکل میک گورن قائم مقام صدر کوں آپنڑی تنظیم دی پاکستان اچ فلاحی سرگرمیاں بارے ڈسایا۔
