حکومت غیر ملکی سرمایہ کاراں دی پوری حوصلہ افزائی کریندی پئی ہے ، وفاقی وزیر خزانہ اسحق ڈار

اسلام آباد ۔ 11 جون(اے پی پی) وفاقی وزیر خزانہ اسحق ڈار آکھے جو حکومت غیر ملکی سرمایہ کاراں دی پوری حوصلہ افزائی کریندی پئی ہے ۔ اے گالھ انہاں چھنڑ چھنڑ کوں اتھاں پاکستان اچ جرمنی دی سفیر انا لیپل نال گالھ مہاڑ کریندے ہوئیں آکھی۔ جرمنی دی سفیر وفاقی وزیر خزانہ نال ملاقات اچ پاکستان اچ سرمایہ کاری دے موقعاں بارے گالھ مہاڑکیتی ۔ خاتون سفیر وفاقی وزیر کوں جرمنی دیاں نمایاں کمپنیاں ولوں پاکستان اچ ٹیلی کام اتے توانائی دے شعبے اچ سرمایہ کاری دے منصوبے بارے ڈسایا۔ انہاں ایں توقع دا اظہار کیتا جو حکومت اتے وزارت خزانہ ایں سلسلے اچ انہاں کمپنیاں نال بھر پور تعاون کریسن۔ وزیر خزانہ اسحاق ڈار جرمن کمپنیاں دے سرمایہ کاری منصوبے دا خیر مقدم کریندے ہوئیں آکھیاجو حکومت ملک اچ غیر ملکی سرمایہ کاری دی پوری حوصلہ افزائی کر یندی ہے جیہڑا جواساڈی اقتصادی ترقی دا اہم جز ہے۔اسحاق ڈار آکھے جو حکومت ایں سال تاجر دوست بجٹ پیش کیتے اتے صنعتاںکوں مراعات ڈتیاں ہن ۔