دہشت گرداں دے پورے خاتمے تئیں آپریشن بیسڈ اتے کومبنگ آپریشن جاری رہسی،بری فوج دے سربراہ جنرل راحیل شریف دا شمالی اتے جنوبی وزیرستان دے دورہ اچ فوجی نینگراں اتے قبائلیاں نال خطاب

راولپنڈی۔ 14 جون(اے پی پی) بری فوج دے سربراہ جنرل راحیل شریف آکھیا جو دہشت گرداں دے پورے خاتمے تئیں آپریشن بیسڈ اتے کومبنگ آپریشن جاری رہسی۔پاک فوج دا ضرب عضب آپریشن بلا تفریق ہر رنگ اتے نسل دے دہشت گرداں دے خلاف اے،زیادہ تر دہشت گرداں دا خاتمہ تھی گئے،عارضی طور نقل مکانی کرنڑ آلیاں دی باعزت واپسی اتے بحالی دا کم ایں سال پورا تھیسی۔او منگل کوں شمالی اتے جنوبی وزیرستان دے دورہ دے موقع تے فوجی نینگراں اتے قبائلیاں نال خطاب کریندے پئے ہن ۔ پاک فوج دے شعبہ تعلقات عامہ (آئی ایس پی آر ) دے مطابق بری فوج دے سربراہ جنرل راحیل شریف شمالی وزیرستان دا دورہ کیتا اتے سارا ڈینھ فوجی نینگراں اتے قبائلیاں نال گزاریا۔بری فوج دے سربراہ کوں جاری آپریشن،آئی ڈی پیز دی بحالی اتے واپسی اتے علاقے دے سماجی منظر نامے تے اوندے اثرات بارے تفصیلی بریفنگ ڈتی گئی۔بری فوج دے سربراہ آکھیا جو آپریشن ضرب عصب قومی حمایت نال کامیابی نال اگوں ودھدا پئے،پاک فوج دہشت گردی دے خلاف جنگ بے مثال قربانیاں حاصل کیتن،ہنڑ آپریشن ضرب عضب اخیری مرحلے اچ داخل تھی گئے۔ بری فوج دے سربراہ جنرل راحیل شریف فاٹا اچ آپریشن دے بعد بحالی دے منصوبے دے تحت72کلومیٹر لمی دوہری میران شاہ ،رزمک مکین روڈ جیڑھی جو705کلومیٹر سینٹرل ٹریڈ کوریڈور دا حصہ اے افتتاح کیتا۔