دہشت گردی دے خلاف پاک فوج دے آپریشن ضرب عضب دے پہلے ڈو سالیں اچ 100فیصد اہداف حال کیتے گئن ،آپریشن ضرب عضب اتے ملک اچ کومبنگ اتے انفارمیشن بیسڈ آپریشنز جاری رہسن،آئی ایس پی آر دے ڈائریکٹر جنرل لیفٹیننٹ جنرل عاصم سلیم باجوہ دی آپریشن ضرب عضب دے ڈو سال پورے تھیونڑ تے میڈیا کوں بریفنگ

راولپنڈی ۔ 15 جون(اے پی پی) پاک فوج دے شعبہ تعلقات عامہ (آئی ایس پی آر) دے ڈائریکٹر جنرل لیفٹیننٹ جنرل عاصم سلیم باجوہ آکھیا جو دہشت گردی دے خلاف پاک فوج دے آپریشن ضرب عضب دے پہلے ڈو سالیں اچ 100فیصد اہداف حال کیتے گئن ،آپریشن ضرب عضب اتے ملک اچ کومبنگ اتے انفارمیشن بیسڈ آپریشنز جاری رہسن،طورخم تے پاکستانی حدود اچ چیکنگ سانگے گیٹ دی تعمیر کیتی ویندی پئی اے،آپریشن ضرب عضب اچ3500دہشت گرد ماریے گئن ،992دہشت گرداں دے ٹھکانڑیاں کوں نشانہ بنڑایا گئے۔’ 253 ٹن دھماکہ خیز مواد’2841بارودی سرنگیں’ 35310 مارٹم بم پکڑیے ہن ۔کراچی اچ امن بحال کرنڑ سانگے موثر آپریشن کیتا گئے۔او بدھ کوں آئی ایس پی آر راولپنڈی اچ آپریشن ضرب عضب دے ڈو سال پورے تھیونڑ تے ہنڑ تئیں تھیونڑ آلی کامیابیاں بارے مٰڈیا کوں بریفنگ ڈیندے پئے ہن ۔ی جی آئی ایس پی آر لیفٹیننٹ جنرل (ر) عاصم سلیم باجوہ ڈسایا جو ڈو سال پہلے آپریشن ضرب عضب شروع تھیا،اے آپریشن نئیں ہک سوچ دا ناں اے،ایندا مقصد پاکستان کوں دہشت گردی توں پاک کرنڑ اے اتے دہشت گردی نال جیڑھی بیماریاں ہن انہاں دا خاتمہ اے۔انہاں ڈسایا جو نارتھ وزیرستان پوری دنیا اچ مشہور ہئی ،کہیں وی دہشت گرد تنظیم دا ناں گھنوں انہاں دا اتھاں دے نیٹ ورک نال رابطہ ہئی،اے علاقہ دہشت گردی ا گڑھ آکھیا ویندا ہئی ،دہشت گردی نیٹ ورک کھنڈیے ہوئیے ہن ،نوگو ایریا ہا،پورے ملک اچوں اتھاں کوئی نہ ونج سگدا ہئی ،ولا آپریشن ضرب عضب شروع تھیا ،اتھاں مختلف درجاں تے گھیڑے پاتے گئے،کے پی کے اچ کیمپ بنڑا کراہیں نقل مکانی کرنڑ آلیاں کوں منتقل کرنڑ دے بعد آپریشن شروع کیتا گئیا۔ساریاں توں پہلے36سو مربع کلومیٹر وزیرستان دا علاقہ دہشت گرداں توں کلیئر کرایا گئیا۔اوندے بعد نارتھ وزیرستان اچ دتہ خیل اتے نیڑے دے علاقیاں دا4ہزار304مربع کلومیٹر علاقہ کلیئر کروایا گئیا۔اوندے بعد شوال ویلی جتھاں جنگل وی ہن ہک اوکھے آپریشن کر تے کلیئر کروایا گئیا اتے اوں علاقے دے لوکاں دی یکا کیتے جان چھڑا ڈتی گئی،اے افغان بارڈر نال ہا ایں سانگے اتھاں بہوں نقل و حرکت ہن ،امریکی ٹروپس توں اسلحہ،آلات،جدید ہتھیار کھسیے ہوئیے ہن برآمد کیتے ۔992دہشت گرداں دے ٹھکانڑیاں کوں نشانہ بنڑایا گئیا 253ٹن دھماکہ خیز مواد پکڑیا گئیا۔اے دھماکہ خیز مواد پندرہ سال تئیں استعال تھی سگدا ہئی ۔اے او قربانیاں ہن جیڑھیاں اساں ڈتین ،آرمی چیف اکثر آکھدن جو اساں آپنڑاں خون رائیگاں کائنا ونجنڑ ڈیسوں ،اے انہاں قربانیاں دا ذکر اے۔تقریباً500اہلکار آپریشن ضرب عضب اچ شہید،3500دہشت گرد ماریے گئن ۔دہشت گردی دے خلاف جنگ اچ پاکستان ہنڑ تئیں تقریباً107بلین ڈالر قیمت ادا کر چکیے،بین الاقوامی برادری کوں انہاں قربانیاں کوں منڑاں پمسی۔انہاں آکھیا جو بارڈر منیجمنٹ ہک وڈا چیلنج اے۔2600کلومیٹر سرحد افغانستان نال اے،1350کے پی کی اچ اے 8کراسنگ پوائنٹ بنڑیے ہوئیے ہن،انہاں پوائنٹس کوں بئیا چنگا بنڑندے پیسے ۔انہاں ڈسایا جو آپریشن ضرب عضب شروع کیتا تاں ردعمل دا خدشہ ہئی ،جتنے دہشت گرد پکڑیے گئے انہاں توں انٹیروگیٹ کیتی گئی،انٹیلی جنس بیسڈ آپریشن کے پی کے اچ شروع کیتے اتے انہاں دا دائرہ کار بئے علاقیاں اتے صوبیاں تئیں ودھایا ویسی۔انہاں آکھیا جو پاک فوج ہر نوگوایریا اچ ویندی پئی اے تانجو اتھاں دہشت گردی دا خاتمہ اتے امن تھی سگے۔انہاں ڈسایا جو لاہور اچ پارک خودکش حملے دے بعد پنجاب اچ 280انفارمیشن بیسڈ آپریشن کیتے گئن ۔انہاں آکھیا جو کراچی اچ دہشت گردی دے واقعات اتے نیٹ ورک زور پکڑیندے پئے ہن ،کراچی اچ1203دہشت گرداں پکڑیے اتے مارے گئن جئیں نال ٹارگٹ کلنگ،اغواء برائے تاوان جیہے واقعے گھٹ تھی گئن