رحیم یار خان ۔ 22 جون(اے پی پی)صوبائی وزیر صنعت تے تجارت چوہدری محمد شفیق آکھیا ہے جو وزیر اعلیٰ پنجاب شہباز شریف ولوں 5ارب دی ودھ ساری رقم نال رمضان شریف دے مہینے اچ روزہ داراں سانگے رمضان پیکیج دے حقیقی فائدے عوام تئیں پجنڑ سانگے خذمت دے جذبے توں سرشار تھی تے رمضان بازاں اچ فرض دی ادائیگی کیتی ونجے ،مسلم لیگ ن دی حکومت عوام دے مسئلے حل کرنڑ سانگے کوششاں کریندی پئی ہے ،غریب عوام دیاں ودھ ساریاں خذمتاں اساڈا منشور ہے ۔میڈیا نال گالھ مہاڑ کریندے ہوئیں انہاں متعلقہ افسراں کوں ہدایت کیتی جو یکم رمضان توں چھیکڑ تئیں سہولت بازاراں اچ کھاونڑ پیونڑ دیاں چیزاں دے معیار اچ کہیں صورت گھٹکی نی آونڑیں چاہیدی انہاں مزید آکھیا جو رمضان بازاں دی کڑی نگرانی کیتی ویندی پی ہے جڈاں جو پھل تے سبزیاں مارکیٹ اچ طلب تے رسد کوں مانیٹر کیتا ویندا پے
