ماسکو۔ 20 جون(اے پی پی) روس وچ بیڑی دے حادثے وچ 13 بالاں سمیت 14بندے ڈب تے ہلاک تھی گئے ہن۔ روسی ذرائع ابلاغ دے مطابق شمالی روس دے علاقے کیریلیا وچ سیاموزیرو جھیل وچ طوفان دی وجہ نال بیڑی اپنڑا بیلنس بر قرار نہ رکھیندے ہوئیں الٹ گئی جیندے نتیجے وچ 14 بندے ہلاک تھی گئے ۔حکام دے مطابق ایہ بندے ماسکو توں چھٹیاں مناونڑا تھاں آئے ہن۔ علاقے دے میئر سرگئی سوبیانین ایں جاہ تے ڈاکٹراں اتے ماہرین نفسیات کو ںبھیجیاہے جڈانجو چار بندیاں کوں حفاظتی قنوناں دی خلاف ورزی کرنڑ دے شبہ وچ حراست وچ گھدا گئے ۔ واضح رہوے جو بیڑی وچ 50 دے نیڑے بندے سوار ہن ۔ہلاک تھیونڑ آلے بالاں دیاں عمراں 12 توں 15 سال تائیں ہن۔حادثے وچ لاپتہ تھیونڑ آلے 4 بندیاں دی تلاش جاری ہے۔
