پیرس ۔ 23 جون(اے پی پی) پرتگال دے معروف فٹ بالر کریسٹیانو رونالڈو انہاں ڈینہاں فرانس اچ جاری فٹ بال دے مقابلیں اچ شامل ہن گزریل ڈینھ انہاں کوں کاوڑ ایجھی چڑھی جو صحافی دے سوال دا جواب ڈیونڑ دی بجائے انہاں مائیک کھس تے سمندر اچ سٹ ڈتا ۔خبر رساں ادارے دے مطابق سوشل میڈیا تے رونالڈو دی ایں غیر مانوس حرکت آلی ہک فوٹیج تکھے مقبول تھیندی پئی ہے جیں اچ انہاں ہک چھوٹے سمندردے کنارے سیکورٹی اہلکاراں دے جھرمٹ اچ ڈکھا یا گیا ہے ۔ایں دوران ہک پرتگالی ٹی وی چینل دا نامہ نگار رونالڈو دے نیڑے امدے ایں توں کوئی سوال پچھنڑ دی کوشش کریندے ۔رونالڈو ایندا سوال دا جواب ڈیونڑ دی بجائے اوندا مائیک کھس تے سمندر اچ سٹ ڈیندا ہے ۔
