اسلام آباد ۔20جون(اے پی پی ) وزیر داخلہ چوہدری نثار علی خان آکھیا جو زیر تفتیش ملزماں دی ویڈیو لیک کرنڑ عدالتی نظام دی تضحیک اتے انصاف دا قتل اے،کہیں کوں حق نی پجدا جو ملزماں دا میڈیا ٹرائل کرے۔ایں معاملے کہیں وی قسم دا عدالتی کمیشن بنڑاونڑ دی لوڑھ ہووے تاں صوبے ای کر سگدن،وزارت داخلہ یا وفاقی حکومت کوئی کردار نی نبھا سگدی تانجو ایں بارے وفاقی حکومت ولوں جیڑھی جو معاونت درکار ہوئی ڈتی ویسی۔سونوار کوں قومی اسمبلی دے اجلاس اچ سید نوید قمر ولوں چاتے گئے نکات دا جواب ڈیندیں ہوئیں انہاں آکھیا جو کٹوتی دی تحریک تے بحث صرف اوں وزارت بارے تھیندی اے جئیں تے گالھ جاری ہووے۔
