ساریاں سیاسی جماعتاں کوں میثاق معیشت کیتے ہک مٹھ ہونڑاں چاہیدے ، 15 سالہ حکمت عملی وی بنڑائی ونج سگدی ہے تانجو معاشی نمو دے پائیدار اہداف دا حصول یقینی بنڑایا ونج سگے ، اسحاق ڈار

اسلام آباد ۔ 4 جون(اے پی پی) وفاقی وزیر خزانہ سینیٹر محمد اسحاق ڈارآکھے جو ساریاں سیاسی جماعتاں کوں میثاق معیشت کیتے ہک مٹھ تھی ونجنڑاں چاہیدے ۔ چھنڑ چھنڑ کوں آپ دی اقتصادی ٹیم دے نال بجٹ توں بعد پریس کانفرنس نال خطاب کریندے ہوئیں انہاں آکھیا جو ملک اچ معاشی استحکام دے بعد معاشی نمو کیتے اقدامات کیتے ویندے پئے ہن ۔ ایں بارے ترائے سالہ درمیانی مدت دی حکمت عملی بنڑائی گئی ہے ۔ انہاں آکھیا جو ۔ایں بارے ترائے درمیانی مدت دیاں حکمت عملیاں تے مبنی 15 سالہ حکمت عملی وی بنڑائی ونج سگدی تانجو معاشی نمو دے پائیدار اہداف دا حصول یقینی بنڑایا ونج سگے ۔