ساہیوال، پنوں عاقل توں لاہورونجنڑ آلی مسافراں دی بس اتے ٹرک وچال ٹکر پاروں 6بندے جاں بحق تے 37زخمی

ساہیوال۔ 16 جون(اے پی پی) ساہیوال اچ خمیس دی سویل بس تے ٹرک وچال ٹکر پاروں 6بندے جاں بحق تے 37زخمی تھی گے ہن ۔نجی ٹی وی دے مطابق ساہیوال دے نیڑے علاقے 134 نائن پل دے نیڑے مسافر بس موڑ اچ ٹرک نال ٹکرا گی جیں پاروں6بندے ہلاک تے 37زخمی تھی گے ہن۔پولیس دے مطابق زخمیاں کوں ڈسٹرکٹ ہیڈ کوارٹر ہسپتال منتقل کر ڈتا گے ۔جتھاں 6زخمیاں دی حالت تشویش ناک ڈسائی ویندی پی ہے ۔عینی شاہدین دے مطابق حادثہ بس ڈرائیور دی غفلت نال تھیا ۔مسافر بس پنوں عاقل توں لاہور ویندی پئی ہئی۔