سعودی حکام دی حج اتے عمرے سانگے آونڑ آلے لوکاں کوں بہوں بیماریاں دے انسداد سانگے ویکسین لاونڑ دی ہدایت

ریاض ۔ 14 جون(اے پی پی) سعودی عرب دے حکام حج اتے عمرے سانگے آونڑ آلے لوکاں کوں بہوں بیماریاں دے انسداد سانگے ویکسین لاونڑ دی ہدایت کیتی ہے ۔سعودی اخبار دی رپورٹ دے مطابق شاہ فیصل سپیشلسٹ ہسپتال توں وابستہ ڈاکٹر محمد زیتونی ڈسایا جو وڈے اجتماعات دے نتیجے اچ لوکاںوچال رابطے اچ ودھارا تھی ویندا ہے۔ایہو جے حالات اچ صحت دے حوالے نال بہوں محتاط رہنڑ دی ضرورت ہے ۔انہاںآکھیا جو حج تے عمرہ سانگے آونڑ آلے لوکاںکوںنمونیا ،گردن تروڑ بخار ،سینے اچ انفیکشن ‘ ٹی بی اتے بیاں بیماریاں توں بچاونڑ دی ویکسین لاونڑیں چاہیدی ہے انہاں ڈسایا جو 1992ءتے 1997ءاچ مکہ اتے جدہ اچ گردن تروڑ بکان دے بہوں کیس عمرہ تے رمضان دے سیزن اچ سامنڑے آئے ہن ۔ انہاں آکھیا جو نمونیا وی مہلک بیماری ثابت تھی سگدی ہے ۔