جدہ ۔ 7 جون(اے پی پی) سعودی عرب دی حکومت رمضان المبارک دے آغاز تے سینکڑاں قیدیاں کوں رہا کرڈتا ہے۔سعودی میڈیا دے مطابق سعودی عرب دے فرماں روا اتے خادم الحرمین الشریفین شاہ سلمان بن عبدالعزیز رمضان المبارک دے آغاز تے قیدیاں دیاں سزاواںوچ معافی دی منظوری ڈے ڈتی ہے جیندے بعد مختلف جیلاں وچ سینکڑاں قیدیاں کوں رہا کرڈتا گیا۔حکام دے مطابق مکہ وچ 63،مدینہ دی جیل وچوں 376اتے آسیر دی جیل توں 156قیدیاں دی رہائی عمل وچ لاتی گئی۔
