ریاض ۔ 2 جون(اے پی پی) سعودی عرب وچ14 بندیاں کوں دہشت گردی دے الزامات دے تحت موت دیاں سزاواں سنڑاڈتیاں گئیاں۔ انہاں دے وکیلاں دے مطابق انہاں بندیاں کوںا یہ سزاواں مشرقی صوبے قطیف وچ شیعہ اقلیتی علاقے وچ پولیس تے حملیاں دے الزام وچ قصور وار جانڑدے ہوئیں سنڑائیاں گئیاں۔ ایندے توں علاوہ بئے 09 بندیاں کوں ترئے توں گھن تے پندرہ سال تائیں دی قید دیاں سزاواں سنڑائی گئیاں ہن جڈانجو ہک بندے کوں بری کر ڈتا گئے۔ ایہ 24بندے گزریل ترئے سال توں جیل وچ اپنڑے خلاف اسلحہ رکھنڑ اتے پولیس اہلکاراں تے فائرنگ کرنڑ دے الزامات وچ مقدمات دے فیصلے دے منتظر ہن۔ 2011ءتوں گھن تے 2014ءتائیں جاری رہونڑ آلے احتجاجی مظاہراں دے دوران تقریبا20ً مظاہرین دے نال نال ڈھگ سارے پولیس اہلکار وی ہلاک تھی گئے ہن ۔
