سوئس فضائیہ دا طیارہ ہالینڈ اچ ڈھہہ تے تباہ

ایمسٹرڈیم ۔ 10 جون(اے پی پی) سوئس فضائیہ دا ہک ایف فائیو ای لڑاکا طیارہ فضا اچ ہک بئے جہاز نا ل ٹکراونڑ دے بعد ہالینڈ دے شمالی حصے اچ ڈھہہ تے تباہ تھی گیا ۔ہالینڈ دی ایمرجنسی سروسز دے مطابق طیارے دا پائلٹ ایندے اچوں حفاظت نال نکلنڑ اچ کامیاب رہیا اتے زیادہ زخمی وی نی تھیا ۔اے حادثہ ہالینڈ اچ تھیونڑ آلے ہک ایئر شو دے آغاز دتوں پہلے تھیا ۔ڈوجھے طیارے دے پچھلے پراں کوں ضیان تھیا ۔سوئس وزارت دفاع دے مطابق ایں حادثے دی دجہ ہنڑ تئیں واضح کائنی ۔سوئس ٹیم اختتام ہفتہ تے ایئر شو اچ شرکت کرنڑیں ہئی ۔