دمشق ۔ 22 جون(اے پی پی) شام توں13 ملین توں ودھ لوک ہک توں بئی جاہ تے مڈی لڈ گن ۔شام اچ محترک انسانی حقوق دی تنظیم ولوں عالمی مہاجراں دے ڈینھ دے موقع تے جاری کیتی گی رپورٹ دے مطابق شام اچ خانہ جنگی دی وجہ توں گزریل 5سالاں دے دوران 13ملین توں ودھ لوک ہک توں بئی جاہ تے مڈی لڈنڑ تے مجبور تھی گن ۔جنہاں اچ دجسٹرڈ شامیاں دی تعداد 5ملین 8لکھ تے 35ہزار ہے ۔رپورٹ دے مطاق ایں تعداد دا 50فیصد بالاں ،35فیصد عورتاں تے 15فیصد مرداں تے شامل ہے جڈاں جو ایجھے غیر رجسٹرڈ مہاجراں دی تعداد کتھائیں زیادہ ہے جیرھا جو قبول نہ کیتے ونجنڑ دے ڈر دی وجہ توں غیر قنونی طریقیں نال بئے ملکاں اچ داخل تھے اتھاں اپنڑے رشتے داراں ڈے رہندے پے ہن ۔واضح رہے جو ترکی 4لکھ 50ہزار بالاں سمیت 2لکھ 70ہزار عورتاں سمیت مجموعی طور تے ہک ملین 9لکھ مہاجراںدی میزبانی کرنڑ آلا پہلا ملک ہے ۔
