شنگھائی تعاون تنظیم داڈو ڈینھ دا اجلاس کل شقند اچ شروع تھیسی، صدر مملکت ممنون حسین سربراہ اجلاس اچ پاکستان دی نمائندگی کریسن

اسلام آباد ۔ 21 جون(اے پی پی) شنگھائی تعاون تنظیم دا ڈو ڈینھ دا اجلاس (کل) توں ازبکستان دے دارالحکومت تاشقند اچ شروع تھیندا پے، صدر مملکت ممنون حسین سربراہ اجلاس اچ پاکستان دی نمائندگی کریسن۔ ترجمان دفترخارجہ دے مطابق صدر مملکت عالمی رہنمائواںنال وی ملاقاتاں کریسن۔ شنگھائی تعاون تنظیم اچ پاکستان دی پوری رکنیت دے عمل دا آغاز جولائی 2015اچ تھیا ۔2010اچ پاکستان ایس سی اودی پوری رکنیت سانگے درخواست ڈتی۔ پاکستان دی پوری رکنیت سانگے تاشقند اچ ذمے واریاں دی یاداشت تے دستخط متوقع ہن ،پاکستان 2005توں تنظیم اچ مبصر دی حیثیت نال اپنڑاں کردار ادا کریندا پئے ۔پاکستان 2010اچ ایس سی او دی پوری رکنیت سانگے درخواست ڈیونڑ آلا پہلا ملک ہے