صدر مملکت ممنون حسین دی پاکستان کوں ابھردی ہوئی مارکیٹ دا درجہ ملنڑ تے وزیر خزانہ اسحاق ڈار کوں مبارخ

اسلام آباد ۔ 17 جون(اے پی پی)صدر مملکت ممنون حسین پاکستان کوں ابھردی ہوئی مارکیٹ دا درجہ ملنڑ تے وزیر خزانہ اسحاق ڈار کوں ٹیلیفوں تے مبارخ ڈتی ہے اتے ایں بارے انہاں دی شاندار کارکردگی دی تعریف کیتی ہے ۔ صدر مملکت آکھے جو اے وزیر خزانہ اتے انہاں دی ٹیم دی محنت دا نتیجہ ہے جو پاکستان کوں ابھردی ہوئی مارکیٹ دا درجہ ڈتاگئے ۔ صدر مملکت ایں امید دا اظہار کیتے جو ایں مثبت اگوہیں دے بعد پاکستان اچ اندرونی تے بیرونی سرمایہ کاری اچ ودھارا تھیسی کیونجو پاکستان اچ سرمایہ کاری دے بہوں چنگے موقعے موجود ہن ۔ انہاں آکھیا جو ایں درجہ بندی اچ رلنڑ دے بعد ملکی معیشت بئی ترقی کریسی ، اتے سرمایہ کاراں دا اعتماد پاکستان تے بیا ودھسی ۔