سمرقند ۔ 22 جون(اے پی پی) صدر مملکت ممنون حسین شنگھائی تعاون تنظیم دے سربراہ اجلاس اچ شریک تھیونڑ سانگے پہلے مرحلہ تے ازبکستان دے شہر سمر قند پج گئین۔وزیراعظم دے مشیر برائے خارجہ سرتاج عزیز،خارجہ سیکرٹری اعزازاحمد چوہدری اتے بئے اعلیٰ حکام وی انہاں دے رلے ہن ۔صدر مملکت سمر قند اچ عظیم محدث حضرت امام بخاری دے مزار تے حاضری ڈتی۔انہاں احادیث دی روشنی اتے دینی خدمات تے ا مام بخاری کوں خراج عقیدت پیش کیتا۔صدر مملکت ایں موقع تے پاکستان دی سلامتی ،خوشحالی اتے ترقی سانگے وی دعا منگی۔صدر مملکت شنگھائی تعاون تنظیم دے ڈو ڈینھ دے اجلاس اچ پاکستان دی نمائندگی کریسن جیڑھا جو اج خمیس کوں ازبکستان دے دارالحکومت تاشقند اچ شروع تھیندا پئے ۔پاکستان کوں سربراہ اجلاس اچ ایس سی او دی مستقل رکنیت وی ڈتی ویسی
