تاشقند ۔ 23 جون(اے پی پی) پاکستان اتے تاجکستان پاسہ تعلقات کوں مئوثر اتے با معنی تعاون اچ بدلنڑ اتے آپسی تجارت دا حجم 500ملین ڈالر تئیں ودھاونڑ تے اتفاق کیتے۔شنگھائی تعاون تنظیم دے سربراہ اجلاس دے موقع تے ازبکستان دے دارلحکومت تاشقند اچ تھیونڑ آلی ملاقات اچ صدر مملکت ممنون حسین تاجکستان نال ودھدے ہوئے تعلقات تے اطمینان دا اظہار کیتا۔انہاں کاسا1000منصوبے دے آغاز تے صدر امام علی رحمان کوں مبارک باد ڈتی اتے آکھیا جو اے منصوبہ پاکستان اچ بجلی دی گھٹکی کوں پورا کرنڑ سانگے تعاون ڈیسی۔انہاں آکھیاجو ڈو پاسہ تجارت اچ ودھارے دی گنجائش موجود اے ۔تاجکستان دے صدر امام علی رحمان ایں موقع تے وزیر اعظم محمد نواز شریف دی جلدی صحت یابی تے خوشی دا اظہار کیتا اتے صدر مملکت کوں درخواست کیتی جو انہاں دی نیک خواہشات وزیر اعظم محمد نواز شریف تئیں پجا ڈیون۔
