غربت ترقی دے عمل سانگے وڈا چیلنج اے،حکومت شراکتی گروتھ دے ایجنڈے تے عمل کریندی پئی اے،جئیں دا حصول غربت دے خاتمے نال ممکن اے،احسن اقبال دا خط

اسلام آباد ۔ 22 جون(اے پی پی) وفاقی وزیر منصوبہ بندی، ترقی تے اصلاحات حال اچ ای جاری تھیونڑ آلی کثیر الجہتی غربت انڈیکس دی کاپیاں سارے صوبیاں ،گلگت بلتستان،آزاد جموں تے کشمیر دی حکومتاں،وزارت وفاقی تعلیم، وزارت نیشنل ہیلتھ سروسز و ریگولیشنز، بے نظیر انکم سپورٹ پروگرام کوں بھیج ڈتن ۔آپنڑے ہک خط اچ وفاقی وزیر احسن اقبال آکھیا جو غربت ترقی دے عمل سانگے وڈا چیلنج اے،حکومت شراکتی گروتھ دے ایجنڈے تے عمل کریندی پئی اے،جئیں دا حصول غربت دے خاتمے نال ممکن اے۔حکومت وژن 2025ء دے تحت ملک اچ شراکتی گروتھ دے ایجنڈے تے عمل پیر ااے۔انہاں آکھیا جو ملک اچ غربت دے خاتمے سانگے اینکوں صحیح تناظر اچ سمجھنْ دی لوڑھ اے۔