قومی مالیاتی ایوارڈ کوں جلدی پورا کرنڑ دی کوشش کریندے پیسے،سوئی بینکاں اچ پاکستانیاں دے اکائونٹس دے معلومات بارے 25جون کوں پاکستان دی ٹیم سوئٹزرلینڈ ویسی،وزیر خزانہ سینیٹر اسحاق ڈار دا قومی اسمبلی اچ فنانس بل تے بحث نبڑیندیں ہوئیں گالھ مہاڑ

اسلام آباد ۔22جون(اے پی پی )وزیر خزانہ سینیٹر اسحاق ڈار آکھیا جو قومی مالیاتی ایوارڈ کوں جلدی پورا کرنڑ دی کوشش کریندے پیسے،سوئی بینکاں اچ پاکستانیاں دے اکائونٹس دے معلومات بارے 25جون کوں پاکستان دی ٹیم سوئٹزرلینڈ ویسی،عالمی ادارے پاکستان کوں براہ راست عالمی سرمایہ کاری سانگے ڈوجھی محفوظ منزل قرار ڈیندے پئن ،اقتصادی راہداری منصوبے سانگے لاتے ونجنڑ آلے 46ارب ڈالر اچوں 35ارب ڈالر توانائی دے منصوبیاں تے لاتے ویسین،پاکستان او ای سی ڈی دی رکنیت گھنڑ سانگے کوشش کریندا پئے ،اراکین اسمبلی دی تنخواہواں اچ ودھارے کوں مالیاتی بل دا حصہ بنڑیندے پیسے۔بدھ کوں قومی اسمبلی اچ فنانس بل تے بحث نبڑیندیں ہوئیں گالھ مہاڑ کریندیں ہوئیں انہاں آکھیا جو قومی مالیاتی ایوارڈ دا بجٹ نال کوئی واسطہ کائنی،اساڈی کوشش ہوسی جو اونکوں جلدی پورا کروں ۔اٹھارویں ترمیم دے تحت صوبیاں کوں منتقل تھیونڑ آلے شعبیاں اچ صوبے آپنڑی ذمہ واری پوری نی کریندے پئے ۔سروسز تے جی ایس ٹی اتے زراعت تے ٹیکس صوبے جمع کرویسوں تاں پاکستان سانگے اے۔انہاں آکھیا جو جتھاں صوبیاں کوں کجھ ڈیونڑاں اے تاں گھنڑاں پمسی اتے جتھاں انہاں کوں ڈیونڑاں اے اساں ڈیسوں۔انہاں آکھیا جو ریفنڈ211ارب روپے ہا ہنڑ 221ارب روپے اے۔