اسلام آباد ۔ 24 جون(اے پی پی) لکڑی دے ڈبیاں وچ پیک امب دیاں برآمدات تے پابندی دے حکومتی فیصلے نال پاکستانی امب دی قیمت عالمی مارکیٹ وچ ڈوگنا توں ودھ دا ودھارا تھیا ہے۔ پاکستان فروٹ اینڈ ویجی ٹیبل ایکسپورٹرز، امپورٹرزاینڈ مرچینٹس ایسوسی ایشن (پی ایف وی اے) دی رپورٹ مطابق عالمی مارکیٹ وچ امب دیاں قیمتاں وچ خوشگوار ودھارا تھیا ہے اتے پاکستانی امب 550ڈالر توں600 ڈالر فی ٹن دی قیمت تے برآمد کیتے ویندے پن۔ رپورٹ دے مطابق ایں توں پہلے لکڑی دیاں پیٹیاں وچ پیک کیتے ونجنڑ آلے پاکستانی فروٹاںدی عالمی مارکیٹ وچ قیمت 250ڈالر فی ٹن تائین ہائی پر جڈاں وفاقی حکومت لکڑی دیاں پیٹیاں وچ امب دی پیکنگ اتے برآمد تے پابندی عائد کیتی تاں تو ایندے نال فروٹاںدی قیمت وچ100فیصد توں ودھ داودھارا ریکارڈ کیتا گیا ہے۔
