محمد علی کلے عالمی کانفرنس (سبھائیں ) تھیسی

اسلام آباد ۔ 26جون(اے پی پی)انجمن تریخ تے آثار شناسی پاکستان اتے پرسٹن یونیورسٹی دے سانجھ نال محمد علی کلے عالمی کانفرنس (سبھائیں ) منگل کوں پرسٹن یونیورسٹی ایچ ایٹ اسلام آباد اچ تھیسی ۔ ممتاز شخصیات اتے دانشور انہاں دی عالمی خدمات تے روشنی پیسن ۔ ایں بارے مجلس منتظمہ دا اجلاس چانسلر پرسٹن یونیورسٹی ڈاکٹر عبدالباسط دی صدارت اچ تھئے جیندے اچ پروگرام کوں اخیری شکل ڈتی گئی ہے ۔ اجلاس اچ ڈاکٹر غضنفر مہدی ڈسایا جو ریفرنس اچ ہک تعزیتی کتاب وی رکھی ویسی اتے ریفرنس دی ساری کارروائی کوں کتابی صورت اچ لکھا ویسی ۔