اسلام آباد ۔ 7 جون (اے پی پی) مشیر خارجہ سینیٹر سرتاج عزیز آکھیا جو پاکستان آپنڑی دفاعی لوڑھ توں غافل کائنی ،اساڈی امن اتے دوستی دی خواہش کوں کمزوری نہ سمجھیا ونجے۔آپنڑی سرزمین اتے عوام دی حفاظت دی پوری صلاحیت رکھیندے ہیسے،بھارت ولوں سٹریٹجک خطرات کوں مانیٹر کریندے رہندے ہیسے۔منگل کوں ایوان بالا اچ بھارت ولوں نٹرسپٹ میزائل دے تجربے دے معاملے تے تحریک التواء تے بحث نبڑیندیں ہوئیں گالھ مہاڑ کریندیں ہوئیں آکھیا جو پاکستان سرزمین اتے اوندے لوکاں دی حفاظت دی پوری صلاحیت رکھیندے۔پاکستانی سائنسدان اتے ماہرین پاکستان کوں بھارت ولوں سٹریٹجک خطرات کوں مانیٹر کریندے رہندن ،ایہو وجہ اے جو اساڈے کنے ہک مضبوط نیو کلیئر ڈیٹرنس سسٹم اے۔جئیں دی سلامتی اتے حفاظت کوں دنیا وی منیے۔انہاں آکھیا جو اساں اقوام متحدہ دی جنرل اسمبلی دے آندے اجلاس اچ ہک قرارداد پیش کریسوں جئیں اچ بحر ہند کوں ایٹمی ہتھیاراں توں پاک کرنڑ دی تجویز ڈتی ویسی۔ایں توں پہلے تحریک تے گالھ کریندیں ہوئیں سینیٹر جاوید عباسی آکھیا جو 15مئی2016ء کوں بھارت انٹرسپٹ میزائل دا تجربہ کیتا،بھارت دے ایٹمی دھماکیاں دے جواب اچ پاکستان ایٹمی دھماکے کیتے ہن ۔بھارت ہنڑ نویں ٹیکنالوجی دا تجربہ کریندا پئے ۔
