کراچی ۔ 22 جون (اے پی پی) معروف قوال امجد فرید صابری فائرنگ دے واقعہ اچ جاں بحق تھی گئن ۔پولیس دے مطابق امجد فرید صابری بدھ کوں تھانڑاںشریف آباد دے علاقے اچ آپنڑی گاڈی اچ ویندے پئے ہن جو رستے اچ نا معلوم بندیاں انہاں دی گاڈی تے اندھا دھند فائرنگ کر ڈتی جئیں دے نتیجے اچ او جاں بحق تھی گئے۔چھیپا ذرائع دے مطابق انہاں کوں فوری نیڑے دے ہسپتال اچ عباسی شہید ہسپتال اچ پجایا گئیا جتھاں ڈاکٹراں انہاں دے جاں بحق ہوونڑ دی تصدیق کر ڈتی۔چھیپا دے ذرائع بئیا ڈسایا جو ایں واقعے اچ مقتول دا ڈرائیور زخمی تھیے جئیں کوں اوں ہسپتال اچ طبی امداد ڈتی ویندی پئی اے۔
