ملک دے اتلے علاقیں اچ کتھائیں کتھائیں اندھاری تے کھمنڑ نال مینھ وسنڑ دا امکان ،بئے حصیں اچ موسم گرم تے رکھا رہسی،محکمہ موسمیات

اسلام آباد ۔ 16 جون(اے پی پی) اسلام آباد راولپنڈی سمیت اتلے پنجاب ،خیبر پختونخوا، فاٹا، ، کشمیر تے گلگت بلتستان اچ کتھائیں کتھائیں تکی ہوا ،اندھار ی اتے کھمنڑ نال مینھ وسنڑ دا امکان ہے تاں جو ملک دے بئے حصیں اچ موسم گرم تے رکھا رہسی ۔محکمہ موسمیات دے مطابق گزریل 24گھنٹے دے دوران اسلام آباد سمیت راولپنڈی،لاہور گوجرنوالہ،سرگودھا ،چکوال خیبر پختونخوا، فاٹا، کشمیر تے گلگت بلتستان اچ کتھائیں کتھائیں تکھی ہوا دے نال موسم خوشگوار تھی گیا ۔ساریں توں ودھ مینھ کے پی کے بالا کوٹ اچ 75ملی میٹر ریکارڈ کیتی گی جڈاں جوساریں توں ودھ درجہ حرارت سبی اچ 49ڈگری سینٹی گریڈ ریکارڈ کیتا گیا ۔محکمہ موسمیات دے مطابق آندے 24 گھنٹے دے دوران اسلام آباد راولپنڈی سمیت لاہور گوجرنوالہ،سرگودھا ،چکوال خیبر پختونخوا، فاٹا ، کشمیر تے گلگت بلتستان اچ کتھائیں کتھائیں تکھی ہوا اندھاری اتے کھمنڑ نال مینھ وسسی تاں جو ملک دے بئے علاقیاں اچ موسم گرم تے رکھا رہسی ۔محکمہ موسمیات دے مطابق اگلے ہفتے دے دوران وی ملک اچ ڈو چنگی پری مون سون مینھ وسنڑ دا امکان ہے ۔گزریل ڈینھ تربت اچ درجہ حرارت 48اتے جیکب آباد اچ 47ڈگری سینٹی گریڈ ریکارڈ کیتا گیا