اسلام آباد ۔ 11 جون(اے پی پی) ملک دے اُتلے علاقیاں اچ آندے ڈو ڈینھ اچ بئی مزید بارش دا امکان ہے ۔ محکمہ موسمیات دی رپورٹ دے مطابق آندے 2 ڈینھ اچ کشمیر، اسلام آباد، بالائی پنجاب اتے ہزارہ ڈویژن اچ کتھائیں کتھائیں جڈانجو بالائی خیبر پختونخوا، فاٹا، جنوبی پنجاب، بالائی سندھ اتے شمال مشرقی بلوچستان اچ کجھ جاہیں تے مٹی آلیاں /تیز ہوائیں /اندھار اتے گرج چمک نال بارش دی توقع ہے اتے بارش تے تیز ہوائیں پاروں گرمی دی اجوکی شدت اچ بئی کمی دا امکان ہے ۔ رپورٹ دے مطابق گزریل 24گھنٹیاں اچ ودھ توں ودھ بارش بالاکوٹ اچ تھئی جتھاں 24 ملی میٹر بارش ریکارڈ کیتی گئی ایں طرح کاکول21، مالم جبہ12، پٹن04، لوئردیر03، سیدوشریف اتے کالام02، راولاکوٹ24، مظفر آباد23، گڑھی دوپٹہ03، کوٹلی ہک، منڈی بہائوالدین17، نور پورتھل14، جہلم 13، مری اتے چکوال09، سیالکوٹ اتے گوجرانوالہ 04، گجرات 03، فیصل آباد، اسلام آباد، سرگودھا، قصور اتے کامرہ 02، منگلا ، لہور ، بھکر اتے بارکھان اچ ہک ملی میٹر بارش ریکارڈ کیتی گئی۔ یاد ہووے جو محکمہ موسمیات ایں سال مون سون اچ جولائی، اگست اتے ستمبر اچ ملک اچ معمول توں 10توں 20 فیصد ودھ بارشاں دی پیشنگوئی کیتی ہے ۔
