نشہ ہک لعنت ہے جیہڑا نہ صرف انسان جڈانجو سارے معاشرے دی تباہی دی وجہ بنڑدا ہے ، صوبائی وزیر ایکسائز مجتبیٰ شجاع الرحمن

لاہور۔26 جون(اے پی پی )صوبائی وزیر ایکسائز اینڈ ٹیکسیشن میاں مجتبیٰ شجاع الرحمن آکھے جو نشہ ہک لعنت ہے جیہڑانہ صرف انسان جڈانجو سارے معاشرے دی تباہی دی وجہ بنڑدے ۔نشہ کرنڑآلے لوک نہ صرف آپنڑیں آپ کوں نقصان ڈیندے ہن جڈانجو گھرانے کیتے وی ڈکھ دی وجہ بنڑدے ہن ، ایں پاروں دین اسلام ہر طرح دے نشے دی سختی نال ممانعت کرتے صحت مند معاشرے دی بنیاد رکھی ہے،اے گالہیں انہاں اتوار کوں الحمرا ہال اچ عالمی یوم انسداد منشیات دے حوالے نال سیمینار نال خطاب کریندے ہوئیں آکھیاں۔ محکمہ ایکسائز دے زیر اہتمام تھیونڑآلے سیمینار اچ ذرائع ابلاغ دی معروف شخصیات دے علاوہ طالب علماں ،تریمتیں ،این جی اوز،علمائے کرام اتے زندگی دے بئے طبقیاں دے نمائندیاں شرکت کیتی،سیمینار نال الیندے ہوئیں صوبائی وزیر ڈسایا جو اٹھارویں ترمیم دے بعد منشیات نال بنڑنڑ دا معاملہ صوبیاں دے حوالے کر ڈتا گئے ۔ ایں بارے صوبائی محکمہ ایکسائز کارروائی کرتے پنجاب دے نو ڈویژناں اچوں ہنڑ تئیں پنج ارب روپے مالیت دیاں شراب سمیت مختلف نوعیت دیاں منشیات پکڑی ہن۔ انہاں دا بیا آکھنڑ ہئی جو محکمہ ایکسائزاچ منشیات دی لعنت توں چنگے طریقے نبڑنڑ کیتے انسداد منشیات ڈائریکٹوریٹ قائم کیتا وینداپئے ، ایں طرح ضلعی سطح تے اینٹی نارکوٹکس تھانڑیاں دے قیام دا وی فیصلہ کیتا گئے ۔ اے اینٹی نارکوٹکس فورس منشیات دے ملزماں دے خلاف کارروائی کریسی اتے چالان عدالتاں اچ پیش کیتے ویسن۔ صوبائی وزیر آکھے جو معاشرے کوں منشیات دی لعنت توں پاک کرنڑکیتے ہر طبقہ زندگی کوں آپ دا کردار اداکرنڑاں ہوسی ۔