نویں وفاقی بجٹ اچ معاشرے دے غریب اتے پسماندہ طبقات سانگے فنڈز اچ ودھارا کیتا گئے،بے نظیرانکم سپورٹ پروگرام دی چیئرپرسن ماروی میمن دی اے پی پی نال گالھ مہاڑ

اسلام آباد ۔ 5 جون(اے پی پی) بے نظیرانکم سپورٹ پروگرام (بی آئی ایس پی) دی چیئرپرسن ماروی میمن آکھیا جو نویں وفاقی بجٹ اچ معاشرے دے غریب اتے پسماندہ طبقات سانگے فنڈز اچ ودھارا کیتا گئے،زراعت دے شعبے دی ترقی اتے گھٹ توں گھٹ اجرت بارے وی اہم فیصلے کیتے گئن ۔اے پی پی نال گالھ مہاڑ کریندیں ہوئیں انہاں آکھیا جو بی آئی ایس پی سانگے 115ارب روپے اتے بیت المال سانگے4ارب روپے رکھیے گئن جڈانجو ملازماں دی تنخواہواں اچ وی ڈاہ فیصد ودھارا کر ڈتا گئے جئیں نال عام آدمی دا معیار زندگی اُچا تھیسی۔