نینگراںکوں آپ دے علمی، ادبی تے ثقافتی ورثے نال روشناس کراونڑ سانگے ٹھوس حکمت عملی تیار کریندے پئے ہئیں ، عرفان صدیقی

اسلام آباد ۔ 2 جون(اے پی پی) وزیراعظم دے مشیر برائے قومی تریخ تے ادبی ورثہ ڈویژن عرفان صدیقی آکھے جو اُنہاں دی وزارت نینگراں کوں آپ دے علمی، ادبی اتے ثقافتی ورثے نال روشناس کراونڑ سانگے ٹھوس حکمت عملی تیار کریندی پئی ہے ۔ متعلقہ موضوعات تے لٹریچر دی اشاعت، دستاویزی فلماں دی تیاری، سیمینارز اتے نمائشاں ایں حکمت عملی دا حصہ ہن ۔ اے گالھ انہاں پی۔ٹی۔وی دے چئیرمین عطاء الحق قاسمی نال گالھ مہاڑ کریندے ہوئیں آکھیاں،جنہاں نال انہاں اج پی۔ٹی۔وی دے مرکزی دفتر اچ ملاقات کیتی۔ ایں موقعے تے عطاء الحق قاسمی آکھیا جو پی ۔ٹی۔وی وی قومی تریخ تے علم وادب دے ودھارے سانگے نویں پروگرام شروع کریندا پئے ۔ انہاں آکھیا جو ایں بارے قومی تریخ تے ادبی ورثہ دی وزارت دے تعاون کو ںخوش آمدید آکھیا ویسی ۔