اسلام آباد ۔ 24 جون(اے پی پی) وزیراعظم محمد نواز شریف دی کوئٹہ اچ بم دھماکہ دی پرزور مذمت کیتی اے جئیں اچ قیمتی جاناں دا ضیاع تھیا۔ایوان وزیر اعظم ولوں جاری بیان دے مطابق وزیر اعظم جاں بحق تھیونڑ آلے بندیاں دی مغفرت اتے پسماندگان سانگے صبر جمیل دی دعا کیتی۔انہاں متعلقہ حکام کوں ہدایت کیتی جو زخمیاں کوں ہر ممکنہ طبی سہولتاں ڈتی ونجن ۔انہاں آکھیاجو دہشت گردی دی ایجھی بزدلانہ کاروائیاں نال ملک اچوں دہشت گردی دی لعنت کوں منڈھوں پٹنڑ دے عزم کوں مٹھا نی کیتا ونگ سگدا۔انہاں آکھیا جو عوام دی قربانیاں رائیگاں کائنا ویسن اتے اخیری دہشت گردی دے خاتمے تئیں جنگ جاری رہسی۔
