وزیراعظم محمد نواز شریف سانگے بھارتی ہم منصب نریندرمودی ولوں پھولاں دا تحفہ وزیراعظم دی وختی صحتیابی کیتے نیک تمناواں دا اظہار

اسلام آباد ۔ 2 جون(اے پی پی) بھارتی وزیراعظم نریندر مودی وزیراعظم محمد نواز شریف کیتے پھل بھیجے اتے انہاں دی وختی صحتیابی سانگے نیک تمناواں دا اظہار کیتا ہے۔ خمیس کوں دفتر خارجہ توں جاری بیان مطابق بھارتی وزیراعظم پھولاں دے کٹھے پیغام بھیجیا ہے جیندے وچ آکھیا ہے جو میریاںنیک تمناواں وزیراعظم دی وختی صحتیابی سانگے ہن۔ وزیراعظم نریندر مودی لندن وچ وزیراعظم دی ہارٹ سرجری توں ہک ڈینھ پہلے وی نیک تمناواں دا پیغام بھیجیا ہائی جیندے بعد وزیراعظم نواز شریف نے وزیراعظم نریندر مودی کوں ٹیلی فون کیتا اتے انہاں وختی صحت یابی سانگے نیک خواہشات دے اظہار تے انہاں دا شکریہ ادا کیتا ہائی۔ واضح رہوے جو ڈھگ سارے عالمی رہنماواں نے وزیراعظم نواز شریف کوں انہاں دی صحت اتے وختی صحتیابی سانگے پیغامات بھیجے ہن۔