وزیر اعظم محمد نواز شریف دا رمضان المبارک1437ھ دے آغاز تے قوم دے ناں خصوصی سنھیا

اسلام آباد ۔ 6 جون(اے پی پی) وزیراعظم محمد نواز شریف آکھیا جو اللہ دے فضل و کرم اتے اہل وطن دی دعاواں دی برکت نال میں صحت یاب تھیندا پئیاں،ایں رمضان المبارک دے مقدس مہینے دے آونڑ دے موقع تے میں وطن توں پرے ہاں پر میڈا دل وطن اتے اہل وطن سانگے دھڑکدے۔رمضان المبارک1437ھ دے آغاز تے قوم دے ناں خصوصی سنھیے اچ انہاں آکھیا جو انشاء اللہ بہوں جلدی میں آپ لوکاں وچال ہوساں اتے میں ساریاں کوں ایں مقدس مہینے دی مبارک باد ڈینداں۔انہاں آکھیا جو اے مہینہ اللہ تعالیٰ دی رحمت،مغفرت اتے نجات دی بشارت گھن تے امدے ۔ایں مہینے اچ عبادات اتے دعاواں دی قبولیت تھیندی اے ۔انہاں آکھیا جو میڈی تساں ساریاں توں درخواست اے جو ایں مقدس مہینے اچ وطن عزیز دی بئی بہتری سانگے خصوصی دعا کرن ۔