وزیر اعظم نیشنل ہیلتھ پروگرام کوں ملک دے دور دراز علاقیاں تئیں ودھایا ویندا پئے ،وفاقی وزیر تجارت انجنئیر خرم دستگیر خان دا وزیر اعظم نیشنل ہیلتھ پروگرام دی کارکردگی دا جائزہ گھنڑ سانگے تھیونڑ آلے اجلاس نال خطاب

اسلام آباد ۔ 16 جون(اے پی پی) وفاقی وزیر تجارت انجنئیر خرم دستگیر خان آکھیا جو وزیر اعظم نیشنل ہیلتھ پروگرام کوں ملک دے دور دراز علاقیاں تئیں ودھایا ویندا پئے ،اسٹیٹ لائف کوں سکردو،کیچ اتے لورالائی اچ پروگرام تے عملدرآمد سانگے تیاری دی ہدایت کر ڈتی اے،پنجاب اچ ہیلتھ پروگرام جنوبی پنجاب توں کیتا ویندا پئے ،رحیم یار خان اچ لوکاں دی رجسٹریشن دا عمل شروع اے۔اے گالھیں انہاں وزیر اعظم نیشنل ہیلتھ پروگرام دی کارکردگی دا جائزہ گھنڑ سانگے تھیونڑ آلے اجلاس نال خطاب کریندیں ہوئیں آکھی۔ اجلاس کوں اسٹیٹ لائف انشورنس کارپوریشن دی چیئرپرسن نرگس گلو بریفنگ ڈتی۔